Safari ya Uhai

Ngoja niliongeze jambo lingine ambalo watu wengi hawalijui. Katika ulimwengu wa kiroho kuna kanuni ya ajabu sana: moyo wa mtu ndio mlango wa baraka zake.Sasa tatizo linatokea pale mtu anapoanza kubeba:

• Chuki

• Kisasi

• Tamanio la kumwona mwingine akianguka.

Bila kujua, anakuwa amefunga mlango wa baraka zake mwenyewe.

1. Chuki Ni Mzigo wa Kiroho

Chuki ina tabia ya kumfunga kwanza anayeibeba. Ndiyo maana utaona mtu anasema anamchukia fulani, lakini ukweli ni kwamba:

• Analala akimfikiria

• Anaamka akimfikiria

• Moyo wake hauna amani.

Hapo ndipo unapogundua kwamba chuki imeanza kumtawala yeye mwenyewe.

2. Baraka Hupenda Moyo Mwepesi

Katika mambo ya kiroho, baraka hupenda sana kukaa kwa mtu ambaye moyo wake:

• Hauna visasi

• Hauna chuki

• Haupangi mabaya kwa wengine.

Hii ndiyo sababu watu wa zamani walikuwa wakisema:

“Usipigane na mtu moyoni, utaanza kupigana na baraka zako.” Kwa sababu baraka zinahitaji nafasi safi ya kukaa.

3. Haki ya Mungu Hufanya Kazi Bila Kusaidiwa

Watu wengi wanadhani lazima wafanye kitu ili mtu aliyewadhuru aone matokeo ya ubaya wake. Lakini ukweli ni huu: Haki ya Mungu haichelewi, na haihitaji kusaidiwa na kisasi cha binadamu. Mara nyingi mtu anayefanya ubaya:

• Matokeo yake humfuata mwenyewe

• Maisha humfundisha kwa njia yake.

Na wewe ukibaki na moyo safi, utaendelea mbele bila mzigo.

4. Siri ya Moyo Ulio Huru

Mtu anayejifunza kuachilia chuki hupata vitu vitatu muhimu:

• Amani ya ndani

• Ulinzi wa kiroho

• Milango ya baraka kufunguka

Kwa sababu roho yake haibebi mzigo wa giza. Kabla hujamwombea mtu mabaya, kumbuka jambo hili:

1. Kila chuki unayoibeba ni kama jiwe unaloweka ndani ya mfuko wako mwenyewe.

2. Kadri unavyobeba mawe mengi, ndivyo safari yako ya maisha inavyokuwa nzito.

Ndiyo maana mimi Yusuf Mgunya mtu wa hekima nasema:

 “Achilia chuki, ili baraka zipate nafasi ya kukufuata.”